Kɗl: Buuba Daande’s, Adamawa, Nayjeeriya.

Poliisiiɓe dowla Aadamaawa paamtinii dow[1] eɓe waɗa lincitol[2] ko laarani gorko gooto[3] marɗo duuɓi 32 (cappanɗe tati e ɗiɗi) anndiraaɗo Muhammad Jibriil, jeyaaɗo fattude[4] Wawru Jaɓɓe wonunde nder laamu pamaru[5] ngu Ƴoola Fommbina[6]. Haaloowo e innde poliisiiɓe Dowla Aadamaawa anndiraaɗo ASP Hyelhira Altine Daniel on wii jayndeyankooɓe[7] tippungel (immediately) ɓaawo Muhammad Jibriil warii daada muuɗum, malla mi wi’a neene mum, jooni kanko nanngaaɗo on emo e junngo poliisen, eɓe waɗa lincitol maɓɓe, to ɓe timminii boo ɓe nelday[8] mo to SSS (State Security Service/Reenooɓe Kisal Dowla) ngam ɓe ɓesda lincitugo.

Mawɗo jaagorɓe (peremiye misitir) Gine on, kanko woni Jan Mari Doore tuumaama ɗee balɗe ɗoo faaleede memtude doosngal leydi (constitution) ngal, nde o lamndii yo ko ɓuri heewde kon e golle yuɓɓingol woote ɗen itte e tergal wi'eteengal CENI ngal humaaki e laamu ngun, halfinee jaagoral ngardiigu leydi anndiraangal innde faransi raɓɓiɗinaande MATAP.

Ngon tuumo ko e e CNT (Conseil National de Transition), ɗum ko mbatu lomtiingu parluman on, e maanaa ko kanngu feƴƴinta sariyaaji ɗin adal woote parluman keso on waɗeede.

Kɗl: Algaasimu Bah, Amerik.

Denndaangal leydi Gine ndin hino hormora lewru koorka, juulɓe hino hoora, juula, toroo Allah dokkal barki lewru ndun, e yaafuyee bakkatuujimaɓɓe. Kono ɗum haɗaali Ginenaaɓe toppitaade e muraaɗi dawro fewndiiɗi, wano suɓngooji saatiiɗi nyalnde 19/09/2010. Alfaa Konde e SelluDalen Jallo no jokki nyamal maɓɓe faadee ɓiɓɓe leydi yo suɓo ɓe.

Sellu Dalen e Sidiya Tuure jaɓɓike Abe Sillah:

Sellu Dalen e Sidiya Tuure jaɓɓike Abe Sillah e juma ɓennuɗo, caggal ɗum Sellu yaano Senegal ngam weltanaade Abdullay Wad nde on arunoo Gine fii ɓeydugol diisondiral hakkunde laamateeri ndii e kanndidaaɓe ɓen haa nyalaande suɓngo teeŋtinaa. O juurino kadi  fedde makko (UFDG) nden ton, ɓe du'ondiri maayde koolaaɗo kuuɓal (secretary general) UFDG catal Senegaal nodditaaɗo e lajal mum ko neeɓaali.

Kɗl: Haliimatu Jallo.

Comci yottiiiɗi no mari nafoore ɗuuɗunde yo banndiraaɓe am juulɓe anniyiiɓe waɗugol comci yottiiɗi. Yo Alla feewn'am feewna on, newinana en laawol moƴƴungol ngol. Comci yottiiɗi ko huunde nde Alla farlli, o yamiri Annabiijo yo o yeeto ɓeynguure makko e sonnaaɓe juulɓe hedditiiɓe fow yo ɓorno.

Allaahu on no daali: "Ko an yo Annabiijo wi'an sonnaaɓe maa ɓen e ɓiɓɓe maa ɓen e sonnaaɓe gondinɓe ɓen yo ɓe jippintin jilbaabuuji maɓɓe ɗin e hoore maɓɓe." Karamokooɓe diina no ƴetti e oo aaya wonndema comci yottiiɗi ko waɗɗiiɗi e dow kala debbo juulɗo.

Kɗl: Tijjaani Maalun Bari, Paris (Faransi).

Ɓaawo o ndaarii haa huunde juutii-luttii o soynike ka haawagol kii ŋari muginki oo neɗɗo ; ɗoo yo o jalu weltaare, ko gonɗi makko hibbi, tawi le wonaa o haanunooɗo wullugol. Ko ɗen gite makko ɓinnyuɗe o punnorii jowli naangal nagal hay o hinƴaali, hay o aamaali.

O fonti juungo ɓadnitugol e makko oo jooma ndii tagudi moƴƴundi. Jooma mbooɗam ɗam sugu mun alaa sifa alaa nando ka nder winndere. A sikkay falaaɗo nangude bollam yiite, o huliti o dartii ; ɓernde makko pippiti, refti nde udditii. Wonkii iirii, hakkille oori.

Kɗl: Algaasimu Monoma Bah, Amerik.

Ɓaawo diisondiral hakkunde feddeeji laamateeri Gine ndin wano CNT, CNC, Ɗowgu (government), e CENI on, hooreejo leydi ndin Jeneral Sekuba Kunate siifii yamiroore yo woote ɗiɗaɓe ɗen yuɓɓine nyalnde 19/09/2010. Ɗum non hawray lewru korka maayii haa juulaama.

Jaaynde "guineenews" hollii kandidaaɓe ɓen ɗiɗo, Alhaji Sellu Dalein Jallo e Ceerno Alfa Konde hollitano, ɓe newni, ado laamɗo on siifii yamiroore nden. Hiɗen anndi non CENI on eɓɓuno woote ɗen waɗete gila nyande 14/08/2010, ɓe e66i kadi 22/08/2010, kono ɗum fow laataaki, sabu hari Alfa Konde hebilaaki.