Nyaawirde Haaɗtirde Lollinii Njaltudi

Ko feewndii

Ƴeewtirde

Adobe Flash Player not installed or older than 9.0.115!

Adobe Flash Player not installed or older than 9.0.115!

Nyaawirde Haaɗtirde Lollinii Njaltudi

Hanki jemma, hooreejo Nyaawirde Haaɗtirde nden (Cour Supreme) Mammadu Sillaa lollinii njaltudi timmundi ndin wonande rogere aranere woote hooreyaagal leydi Gine. Njaltundi ndin sellinii ko Sellu Dalen Jallo mo UFDG e Alfaa Konnde mo RPG wonoyta foolondirooɓe ɓen ka rogere ɗimmere nde nyalaande mum taƴaaka taho.

Nyaawoore Nyaawirde Haaɗtirde nden noddano sabu yeddondiral ɗuuɗungal waɗuno e battane laaɓugol woote ɗen. Ɗaɓɓooɓe laamu ɓen fow wi’uno nguyka woote naatii, teeŋtii non Permiyee Ministir arano on Sidiya Tuure wiinooɗo ko kanyum jeyi jonnde ɗiɗaɓere nden kono o heɓtaali goonga. Nyaawoore Nyaawirde Haaɗtirde nden ko waɗɗiinde, sakkitiinde, nde alaa noddaango (appel).

Waylital ngal ko Sellu Dalen Jallo ɓuri nafude sabu ngal tabintinii yeesoyaagal makko ngal. E hino ɗoo limooje ɗen:

Sellu Dalen Jallo (heerto UFDG): 43,69 %
Alfaa Konnde (heerto RPG): 18,25 %
Sidiya Tuure (heerto UFR): 13,62 %
Lansana Kuyaate (heerto PEDN): 7,04 %
Papa Koli Kuruma (heerto RDR): 5,74 %

Hino fellitaa wonde diisondire fuɗɗike hakkunde heertooji (partiiji) ɗin fii jonnindirgol juuɗe ka rogere ɗiɗaɓere kono haa jooni hay gooto lollinaali taho miijo mum. Sellu Dalen nodditii hanki kala faalaaɗo gollidude e mum yo ar tawta ɗum. Hino tamƴinaa ka CENI on (njuɓɓudi aynitoori woote ɗen) taƴa nyalaande rogere ɗimmere nden e ɗee balɗe. Tippude e doosngal leydi ngal, woote no haani yuɓɓineede jonte ɗiɗi ɓaawo nyaawoore Nyaawirde Haaɗtirde nden.

www.peeral.com

Comments (2)

Yoallahou on bheydhou bhantal è leydhimendhin; mö newnaa naa èn Cellou Dalein lammo. Molammaru bhantalè noudhal è horrè dinna; sabbou allah yidhaa dianfotodho.

Yö alla bhantou fii laguinée mö bhourtha bhantoudhè fii UFDG, mökka UFDG lammou goun hikka.

Waa Salamou