Soh !  Aamadu Soh, maayde maa yurmii lam

Ŋalaw, muuseendi e gonɗi am

Juuri e gitoy am koy luggeendi maa dam[1]

Udditiri tinndi e taali ɗi wallifi-ɗaa an

Soh!  Aamadu Soh, maayde ma juhii lam

Timmoode goodal maa an cerno hawnii lam

Hamdallahi e Furaa, ka Samambayooru[2] taalol maa an

Luttay taaleede fillee, e nder jeereeji Fuuta am

Iskin rimɗude pulaaku maa

Kaawee toowude ñeeñal maa

Soh!  Aamadu Soh mo Geno nodditi ka mum

Mi woonduno nguurndam am fow mi dankoto ma

Fehre fow mi wallitoto ma

Won ko mi fodunoo e nder Fuuta laral

Joom jawdi, ganndal, e tabital  

Kono Kodduruyee Geno wonii goodal

Sabu welsidaare laamiiɓe e faalaaɓe laamu laral

Njulaaɓe, jannguɓe, alduɓe  e ñeeñuɓe Fuuta malal

Waasude fehre e alɗal fewndo ñawu wallin maa

E nder waasere lekki e dankata[3] leydi Faraana timmu-ɗaa

Nguurndam maa fow a yanngani Haali pulaar

Cukaagu maa fow a foolin Haala pulaar

Geno mawnii, O foolii e kodduruyee.

Yo o wewlin fonndo o fowtine

Kɗl: Sheriif Seelinke Jallo, Lyon, France

www.peeral.com