|
Pullo Fuuta hootu Fuuta
Baa, Bari, Mbalnde, Soo, Jallo, Jagite
Saal, Keytaa, Sillaa, Kamaraa, Tunkaraa, Kante
Ɓiɗɗo Fuuta
Waktu hootugol ngol yonii
Seydiyanke, Seeriyanke, Iloyanke, Daaliyanke, Sammbayanke, Seeleyanke
Yirlaaɓe, Timmbonke, Kulunndanke, Kaaliduyanke, Luudanke
Lagayeeɗi ɗin aatii
Sukaaɓe e jiwɓe Fuuta
Tabalde uumii
Selen puuyndam ; heña ! heña ! Selen lurral !
Foondu raneeru ndun addanii ma kabaaru moƴƴo on
Hootu ka laral maa
Kala ka wonir-ɗaa, ƴettu jogaaji e donle feewnaa Fuuta to leydi maamiraaɓe maa.
Konaakiri, Saralon, Labiriyaa, Koddiwaar, Senegaali, Gammbi,
Gabon, Angolaa, Portigal, Faransi, Espaaña, Etaa-Juni
Ko fii honɗum hiɗa doga tun ka maa yo Pullo Fuuta ?
Hiɗa waasa ɗemngal maa, tertoo pinal maa, jejjita ɓe maa
Hiɗa woɗɗitoo liimanaaku
Tawa a artataa poomaa.
Hara le hiɗa anndunoo ko won-ɗaa e bonnande Neene Fuuta kon !
Baaben Soro yaadii e sawteende maa to qabru
Batte hattagol maa haa hanɗa.Yahunooɓe neeɓi
Artu non dewi
Yaadu safaari maa ndun neeɓii nettii
Wattan hakkil
Wota duumo e welsindaare sakkitoraa nimse
Hootu ka suudu
Ɓe fodii maa jahannama
Leydi oya ndin wonaa leydi maa…
Ngenndi oya ndin laatotaako ngenndi maa abadan…
Mi fuɗɗii haynaade jowli tama’u guuwe Alla ɗen hino saakitii haa e kattal giiɗeHootu sankoyaa e leydi baabiraaɓe
Hootu Fuuta, to leydi jibinannde maa, ko ɗon woni malal maa
Ko goonga laaɓuɗo wowlanay-maa-mi
Kori hootu wota laawo
E ko honɗum sabbi-ɗaa?
Nde wonnoo ko ngayngu ɓe eɓɓan maa
E a yi’aali persidanjo Añi-Pullo Ñemmbo Nduru-Wemmbiiɗo ƴakkooru ndun, hoolor yila maa on tun Haa feere makko nden foga
Annditu kiirle jamaa men ɗen e ley ɗowdi kuraaje
E leelewal jalbungal, jemmaaji ɓumnuɗi ɗanninooji ɗi giiteeli gilli pooloy ndaygini
Misira, Daara Mañaki, Tene, Caakule Leelumaa, Wure Kabaa Maamun leydi barkinaandi
Timmbo, Kula Mawnde, Sagale leydi hormundi waliyaaɓe tedduɓe
Maasi, Gonngoore, Dalabaa Saare, Timmbi Tuni, Timmbi Madiina, Jagisa ŋariiji wirniiɗi, leyɗe kocce laaɓuɗe e na’i yooɗa-mbaadiiji, laral paykunyaagal am ngal yejjitaaka, laral gilli am arani
Taran, Daara Labe, Labe Saare, Doŋol Tuma, Doŋol Fela, Weendu, Koyin, Buruwal Tappe jalbeendi maandiniindi Woɓɓe go’o yaaray Fatakoo, Herikoo, Pooredaaka, Bammbayaa, Sirayaa, Telimilè Saare
Ɓeya hammira Kurulaa, Kankalabe, Saare Negeyaa, Pita Saare
Fow ko Fulɓe, fow ko Haali-pular, fow ko ka men Fuuta
Rewrugol e di’e ilayɗe yaawa Kaakirimaa ɗen
E bolun Sogoroyaa kun, haa Mannga Kulun, Hollaande, yaaɓana Sinta ; maa mi hoota
Fello Luuɓa Yemmberen ka Sonnaajo reentuɗo fow
Poopodaraa, Bantiŋel rewra Tunturun, Ley Toogo, Ley Miiro, waɗa sagarawol Saare Kali
Awa non Ɓuriyaa fii gannditti baabiraaɓe tedduɓe ɓen
Sagale horminaande wonande yaafuye junuubaaji am
Miɗo hoolori doole guluuji talki boɗeeji
Miɗo ɗaɓɓa du’aa waliyaaɓe
Misiide Telikoo, Pegetti leydi bantara, Dimjima e Bulleere haa ka telihun
wonande malal wonki am wemmbiiki
Maa mi hoota to am
Maa mi hoota jooni non to neene am
Maa mi hoota to baaba am.Ko an yo Gaynaako, haako kon doo ɓuraa koya hecciɗude, hootu Fuuta
Hootii! Hooten! Hootu! Hootu goy Pullo! Maa hootaa Fuuta
Weli metti Fuuta ko ka maa. Kɗl : Wuuri Mbalnde, firo Umar Bah mo Peeral.com. www.peeral.com |
On njaaraama sanne, golle Peeral dee ene njoodi no-feewi sanne.
A anndintinii lan gure ka mi anndi e ka mi wayri gure Keebu e Diiwal
Telimele (Guinee)
On weltanaama on jarnaama.
Ko goonga ndee winndannde no hanunoo winndeede e Fulfulde fii yo nafoore nden yaaju...Alla laatinii dum e hoore jam moyyere. Ko kotoo Umar Bah mo Peeral firi nde, yo Alla yobu mo ko moyyi.
Ekadi meden toroo yo Alla hewtinoye e jam, tawoyaa jam, artaa e jam, tawtaa jam.
Meden yetta banndiraabe fow.1yEv
Peeral jaaraama e firugol ngol faade e fulfulde...
Ee ko yurmi, en dogii haa en fadii gebal men... kori hooten... hooten Fuuta welii...
ko goonga yo ceerno wuuri: wobbegoo ko fatako hootirta wobbegoo........min ko Jaari hootiraymi kono buraaa ko wiúdhaa kon fow ko fulbhe fow ko fuuta.
Haray mido rewra ndee dewtande am doo mi waynoo denndanaagal ben winndaybe,janngaybe PEERAL! mi inna be mido fokkiti ka men fuuta si Alla jabii nani! on jaaraama