|
Hari neeɓii mi ngudaali e ngal alluwal Peeral, mi ƴewtaaki men kadi kesum e maggal Hannde non, weeti tun sutor-mi ka dinngiral Belajo’o mi humpitoo ko fewndii ka musidal
No tappir-mi ndoomel ngel fii juuragol ngal Taw-mi hingal jalbiniraa pinal e kumpital Tawde non gooto kala hino tiiɗinorii e lowre mum Haɓɓitii si ɓolɗay, wonaa doo kan e senngo mum ! Mi jooɗii ko ɓoowi mi taskitii Mi hayli hoore mi lamnditii E jaka yoo Fulfulde feƴƴiino keri tan e kaafa Haa hewtiino kesi kadi e kaala ? Tawu-mi laana Pulaar kan acciino lam Gila tawnoo ko ɗaanagol tan wonnoo golle am ! Lowe ɗen fof no adondira tiiɗnaade e ganndal Fii tan ɓamtugol feññina ngal pinal Si on yeddu, juuree lowe Pulaar e Peeral On taway ton hino liggoree e dow tabital Pulaagu kan, yonii en laataade maggal aranal Sinncaneede mbii-mi e wii-mi en, e nder ngal kawtital Yaakaare, mi seedintinay anndireede maɓɓe tiiɗnaare E dow laawol sutaniingol tan ɓamtaare Ka ɓeya kan, ko ko tawaa tan e pinal e uddital Min non, hara ko woni geɓal am e ndee senndoore? Kaa mi luttay tan sabbagol ballal maa fayannde? Malla weernugol ñallooɓe, ɗowtita hiirooɓe? Awa mi anndinii on yo daraniiɓe ɗee golle! Gila hannde, mi tawtii on e ɗee ligge Ko fii non, si mi daranaaki golleeji ɗemngal am Wonaa goɗɗo goo immaantoo-mi ɗin waɗɗiiɗi lam! Awa ko ɗum addunoo-mi hannde e ndee lowre men Ko fii juuragol hummpitoo kala banndiraaɓe men Mi salminii denndaangal daraniiɓe ɗee golle men Mi waynike, en yiiday kadi ka fottirde men! Yo Alla accu laawol Fulɓe! Kɗl: Tafsiir Duntu Balde, Marok. www.peeral.com
Ngudude: ekkitaade winndugol Ngal : jaaynde Peeral nden Hayli hoore: dimmbi hoore, yeƴi hoore Feƴƴiino: yawtiino, saaliino, ɓeɗinoke, ɓeɗniino Lowre Pulaar : www.pulaar.org Pulaagu kan :www.pulaagu.com Yaakaare : www.yaakaare.com Ka ɓeya kan : kala ɓe lintaaka ɓen ka yimre, wano mbiimi.com e ko nanndi. |
Men weltanike ma ko aldaa e keerol.
Jokken golle haa poolgu wona njoɓdi men.
Jokkondiree e Ibraahiima Lih, ardiiɗo Yaakaare on annden ko waɗi yaakaare.com ɗaanii.
Tafsiiru a jaaraama, yimre maa nden no foti fota.