|
Ndee yimre rokkaama ɓee Ginenaaɓe daraniiɓe goonga e nunɗal. Nde saakitanooma e lowre Pulaagu.com e hitaande 2007, fewndo Gine fow hawtinoo darii (e ley ardungal Hajja Raabiyatu Sira Jallo) fii follugol Lansana Konte e laamu, sabu bewre makko, e njaggu, e toonye ɗe o fawnoo yimɓe ɓen. Hannde yiɗanɓe Gine moƴƴere fow hino darii ngam goonga e nunɗal arta e leydi ndin, Sellu Dalen Jallo fiilee meetelol laamu, sabu ko ɓamtaare e yahral-yeeso leydi ndin yimɓe ɓen yiɗi, wonaa yahrugol ɓaawo wano woowirnoo non. Pellet wa Alla ko gooto, Sellu Dalen Jallo, Sediya Tuuree, e Abe Sillaa ko dental waawngal ɓamtude Gine e nder dumunna ka juutataa. Meɗen felliti Sellu Dalen ko laamɗo Gine sabbaaɗo mo keeweendi leydi ndin yiɗi on.
Si haaldaama haa laaɓii fottaama Musiɓɓe e yiɓɓe meeɗen hollitaama … Pehe e juuɗe jaaɓondiraama Kulol e ngaameelo ka luggi ubbaama … Duhi e dadorɗi ken haɓɓitaama Haa tiiɗii, golle e balle fellitanaama … Lural e ngayngu hakkunde meeɗeen ittaama Jewte hirjinooje saraama lollinaama … Jaambreeɓe men ɓen yeeso hikkinaama Moƴƴe hawtuɗe en ɗen yaltintinaama … Tawi laamɓe ɓen haɗanooma ronkaama Ta ɓe tampin en, ɗuum ɓe teŋtinanaama … Yo ɓe accu fenaande e nguyka Yo ɓe nunɗu ɓe rimɗa ɓe golla … Duɗe moƴƴe e leydi ɓe darna Laawi mawɗi ɓe feera ɓe melta … Ndiyam laaɓuɗam buy ɓe hebila Oogirɗe men ɗen kadi ɓe ayna … Ndaygu e hoolaare ɓe etoo yaaja Ndema e ngeygu boo ɓe hoyna … Kala ko moƴƴani en fow ɓe wonana ko bonani en fow ɓe toŋa ɓe hirsa … Karallaagal ɓe faama sanne ɓe layina Gannde e pine men ɗen ɓe fennyina … Si ɓe salike ɗum noon ɓe ronkidaama Hiɓe hoolii, pellet ɓe hulaama … Ko ɓe halfinaa kon le ɓe haajaaka Jam laamateeri men ndin ɓe falƴitaaka … Ndi wa'iino wa daabaaji° ɗi jeyaaka Faalaaɓe no fella, hay gooto humpaaka … On tuma, hawtoɗen follen ɓe poomaa Awa, pellet Raabiyatu Sira-en jaaraama … Fiinannde maɓɓe nden le nde faamaama Jaka, ko semmbe si haaldaama fottaama … Gineyankooɓe ko haaldi kon hunnaama Teddungal ko ɓe foddi kon ɓe jonnitaama … Waraaɓe ɓen, hinno, yaafo ɓe yo Jooma Yeenir ɓe njarnere toownde, ɓe malaama Kɗl: Saajo Bah, Nederland 24 Siilo(January) 2007, Antwerpen, Beljik.
www.peeral.com |
ganndal ko ndaygu ,majjere ko ni66ere.
a min habbi 6eydaari
Min mi bheyda:
Pottal ko doole
doole adday mbawdi,mbawdi adday
bhuttu danda hersa,watta ndimu.
On jaaraama kotoo Saajo.
Pular mo`on ngal no luggi few.
For contact:
Pita2online@msn.com
depuis Amsterdam.