Adobe Flash Player not installed or older than 9.0.115!
Adobe Flash Player not installed or older than 9.0.115!
Adobe Flash Player not installed or older than 9.0.115!
Adobe Flash Player not installed or older than 9.0.115!
Ndee yimre innaama Hafsatu Bah
Wednesday, 13 October 2010 00:02
Ndee yimre ko yowitiinde e teddungal ngal mi marani gooto e banndiraaɓe am rewɓe teddinɓe hoore mum, jiwo Afrikyankeejo mo mi fottaynoo e forum lowre inneteende LeoneClub.Org, ka Sarliyonaaɓe ɗuuɗuɓe fottaynoo yewta fii haajuuji mum e fiyakeeji mum, tawi on tuma wano nden lowre e mawnude e ɗuuɗude feddeeɓe softuɓe ɗuuɗaano hakkunde lowe Sarlon ɗen, ɗum ko e 2008, yimre nden ko nyannde 29/02/2008 winndaa.
E nder ko men yewtaynoo kon, tawi yimɓe wano Maaju Jallo (ngaandi Peeral.com), Algaasimu Bah (Toppitiiɗo Peeral USA), Hamjat Jallomy-Bah (jeyɗo lowre LeoneClub.Org), oon jiwo mo mi yeɗi ndee yimre ekn… tawi men fow nde meɗen winnda, men winndorayno Fulfulde ka lowre ɗon, ɗum saabi yo mi anndindir e makko, kanko jiwo on. Woniri non haa o ƴamaa o jommbaa, o iwi Afrika o ari ka moodi makko, jooɗiiɗo Nederland, tawi le haa hannde ngal teddungal hino hakkunde amen wano neɗɗo e banndiraawo mum; ko ko mi yiɗanta banndiraawo am debbo kon, ko ɗum mi yiɗanta mo, wurin ko ɗum kadi mi yiɗanta kala jiwo joom teddungal.
Mi tawi non ko maa mi wayla innde makko nden ngam ɗoftaade doose neɗɗaaku e pulaaku, kadi fii ta yimre nden firire e banngeeji goo ɗi jeyaaka e faandaare am, e tawde kadi no innde nden wayliraa nii miɗo waawi senndodude e janngooɓe Peeral ɓen seeɗa e nguurndam am suuɗiiɗam.
Banndiraaɓe tedduɓe, ko yimre Hafsatu Bah nden woni ley ɗoo, miɗo yaafnoo on fuu, si ko oonyi tawaama heen.
