Noddaandu

18/10/2009

Ngaree ngaree ɓamtee kam §     ɓiɓɓe Fulɓe toy ngonɗon

Pinal Fulɓe  noddii on  §      ngaree ngaree nootee ɗum

Jannde fulfu’ noddii on  §   ngare keɓon njanngon ɗum

Banndiraawo  heɗtindo ɗum §   anndu ɗum de paamaa ɗum

Pinal Fulɓe ɓurnoo fuu  §   kono non hannde ɓaawo ngal woni

Haala fulful’ wonnoo dow  §   ƴeewu hannde  wontii leyi

Ɗum ko firti suuɗaaki   §   ko jaayre tawti solindaare[1]

Min mi woyii haa tampu-mi §  banndiraaɓe ndaranee kam

Bojji ittataa suno am  §   kono na holla mettii kam

Jaambareeɓe  toy ngonɗon  §  saabe Alla  nootee kam

Banndiraawo  finu  weetii  §   naange fuɗii haa warii karan

                           Banndiraaɓe ummee law  §  so wonaa non on tampan                         

 Allah wallu  balluɗo kam   §  Allah accu kiranoowo kam

Nokku kala to wonɗon heen  § mi salminii e dow mooɗon

Innde : Pulaaku

Yettoore : Fulfulde

Aamadu Hasan Boli ko Burkinaaɓe, ko kanko woni hooreejo KJPF feewndiiɗo on,  himo waawi jokkondireede ɗoo: Email: janfini@yahoo.fr Tel: +20107257691

Winndooɓe e tarotooɓe Peeral fuu yettaama sanne sanne.

www.peeral.com