|
Kɗl : Snusii Jallo Boowoy, Konaakiri, Gine. Ndaar tun ŋinyaaɗo lasli Sikkitaaɗo iwdi Wikkaaɗo awdi Muusuɗo mbawdi Hulɓiniiɗo mbaadi Wumuɗo ɓernde Mo yi’ataa binndi
Soɓuɗo miijo Ngurndorɗo beere Hoolorɗo bewre Walloowo mehre Waroowo fayɓe Dooloowo rewɓe Jaɓitoowo jawle Lancoowo labaaɗi cuuɗi No ardii jamaa duuɓi heewɗi O majjini ɓe laawi feewɗi O ukki ɓe e niwre mawnde O mooɓi kanaseeji kawte Ƴagganɗi mawɓe Hunƴanɗi fayɓe Njaggayɗi rimɓe Miilaaɗi rewɓe Maruɗi mbaadiiji yimɓe Saytanuuji ɓerɗe Ne’iraaɗi toonye Ekkitaaɗi hoyre O jonni ɗi hoolaare mawnde O fali ɗi pinkaaje heewɗe O yoɓi ɗi kafaaɗe jawle O wattidi ɗi e bula’uujo makko Waasaaɗo needi Majjaaɗo diina O cuuni ɗi e nder galleeji rimɓe Yo ɗi wullin yimɓe feewɓe Ɗi felli fayɓe ɗi yani e rewɓe Ɗi jaɓiti jawle ɗi lanci pawle Ndaar moftuɗo ɗi’i ngikkuuji bonɗi No jooɗii no jikira haalaaji puyɗi Himo yewta lo’inaaɓe miijo Woo ko kanko tun haandi e laamu hannde Luttuɓe fow ko yo heƴu tun ɓe njaggee Yo ɓe fanku tun ɓe toonyee Yo ɓe jebbilo ɓe fow ɓe jooɗoo Ɓe hooloo ɓe alaa geɓal ka laamu On bula’uujo makko anndaali nanndi Jooni mo ƴaggii tun o yaggay Baaba makko tigi anndaali hannde Kala hoolorɗo njaggu Jooɗorɗo ngayngu Si hawru ko halfinaaɗo laamu Haray o asanii hoore makko ngayka Ko luttani mo ko unagol e makka Jamaa on nokka leydi waɗta Ƴetta kaydiiji winnda Jaɓita ko haloranoo sennda Mowla toonyaaɓe ɓadna Nannga toonyooɓe haɓɓa Hippa woɓɓe hoppa Laamu wonaali si wonaa luɓal Ko hikma tun woni dokkal Mo luɓaama laamu o limtii ngu dokkal O hawkii hikma o salike nunɗal Wata o habbo kisal e timmal Kanko e sonnjaa ko haa ka darngal Mi torike on Seniiɗo Bajjo Timminɗo doole toŋi toonye Yo o ɓooru doole Kala meccinorɗo toonye Aamina Kɗl: Sanusii Jallo Boowoy, Gine-Konaakiri Email : Sanoussy73@yahoo.fr Konaakiri nyande 15/02/2007 Noddirgel: +224.64.35.29.28 www.peeral.com |
MI hiwrike Fuuta e maman fayɓe e fowtere maman.
En yeeso jaɓii SI Jemma Joom