Ceerno Aamadu Basum ƴetti konngol laɓɓini hoɗum woni caɗeele hakkude hooreejo o e yiilirde nde.

Ceerno Manngaan ƴetti konngol , o holli wonde kala nyabbu e safaara mum , e yi'annde makko yimɓe poti safrirde nde nyawannde ko sariyaaji tabital pulaaku ndernderi.yo yimɓe ndutto ndaara doosɗe tabital pulaaku.

Ceerno Alasan Kebe holli wonde so yimɓe luurdi ko tawaaɓe nyaawata kono wona, yo wadduɓe ɓe kadi nyaawu!! O faanditi heen ko yo goomu tawaaɗo (jooɗiiɗo o)heɗto ceŋɗe ɗe fof ɓaawo ɗuum ɓe nyaawa.

Alhajji Bubukara :bismi yimɓe ɓe fof o holli wonde yo fulɓe yiitudu(yi'utidu) ɗuum wonnoo ko eɓɓo gila duuɓi 20 feƴƴuɗi, en foti feƴƴude(ɓennude) ɗoon. O holli kadi caɗeele yiilirde tabital pulaaku beljik fof woni ko e ngalu, ka la nde kaalis lannda caɗeele keɓe(heɓe) haa ɓura kooce e dubuuƴe! etee ko ɓuri haawnaade ko heen heewɓe njaɓata addude hay mbuuɗu.

O hokki yeru : koolol baɗanangol nyande 26&27 morso2009 nde gol heblete jonɗe keewɗe njooɗaama ngam yoo ngalu ko ɗi nyalɗi ɗiɗi feƴƴinira heɓe kono heewuɓe e yiilirde nde ɗum hawranaano.

Ɗuuɗuɓe wi'uno hay fus okkata etee ko noon tigi, ɓe okkaano hay mbuuɗu kono jooni ko ɓeen woni e lamnditaade yoo ciimtol waɗe, o joofniri wonde so ɗaɓɓere ngalu ari, a okkaani hay huunde jooni so tawi a lanndiima ciimtol so mi faalaaka mi waɗa ta .

Ceerno Timmbo ƴettiti konngol yeewti ko faati e ngalu.

Ceerno Aamadu Jah holli wonde tabital pulaaku ina ŋakkini hollirde pinal fulɓe ɗuum ina suri heewɓe , o rokki yeru :jannde fulfulde haa hannde sosaaka, ɗuum ina fotno adoreede.

Sammba Mbaalo ƴetti konngol o holli weltaare makko o wasiyi ka la neɗɗo ji'uɗo ŋakkere foti ko arde etoo haa hakke baawal mum , kono ɗuum fotaani surde neɗɗo e yettaade adda ballal mum.

O holli wonnde TABITAL PULAAKU hannde ko daarorgal kala pullo e winndere hee fof, kala ɗo wonuɗaa aɗa waawi yi'itaade heen hoore ma, o holli kadi wonde mo ka la yoo anndu golle ɗe tabital pulaaku beljik golli e ɗi duuɓi ɓennuɗi pamɗaani , ɗuum noon ndeke yo ɓe njokku golle.

Bootol Bah ƴetti konngol holli wonde hare(piirugol) hino bona , kadi hino moƴƴa kono foo e mum ko faamondirde ɓuri, o faanditi heen ko yoo yimɓe luurduɓe ɓe waɗ feere njeewtida ,sabu ka la caɗeele hino woodi safaara.o holli kala huunde ko goonga ɓuri.

Diyye Faal ƴetti konngol, o holli wonde neɗɗo waawata wonde ardiiɗo tawo o heɓata ko mettimo , a la e sago so neɗɗo jogoto ɓe hawri , ko noon kadi wooda luutdiiɓe.o holli jooni ko goonga tan woni coɗol.

Banndiraaɓe tawanooɓe ɓe kawri wonde batu hino nodda nyade 19/09/2010 jamndi 13 e nde jokkorde ɗo rue du fort 35 bruxelles ngam waylude yiilirde siinoore tabital pulaaku beljik (changemant de bureau)

www.peeral.com