Ɓaawo habboo habbitoo, ɓaawo ŋunu-ŋunu, haala haalta e nani-naniiji mun, hannde Ginenaaɓe anndi ka turiiɗo feewti. Go’o go’o ɓe anndi maa rogere ɗimmere waɗee si ɓe annda ko hommbo ardotoo ɓe ɗii duuɓi jowi arooji ɗoo. E nder noogay e nayo 24 kanndidaaɓe, cippiraynooɓe fii ɗaɓɓere laamu, ko nayo pet waawi yawtude jowi e nder teemederewel 5%.
No Kood Elektoral on (sarɗi woote) holliri non, si tawii hay gooto e foolotirayɓe ɓen heɓaali ko fawi capanɗe jowi e nder teemederewel 50% ; ko ɗiɗooɓe ɓurɓe yimɓe ɓen foolotirta ka rogere ɗimmere fii jullere laamu nden. Ko nii lelori njaltudiiji ɗi ngoomu yuɓɓinayngu woote Gine (CENI Gine) holliti:
1) UFDG mo Sellou Dalen Jallo 39.72%
2) RPG mo Alpha Konnde 20.67%
3) UFR mo Siidiya Tuuree 15.60%
4) PEDN mo Lansana Kuyaate 7.73%
Ko Sellu Dalen et Alfaa Konnde fottata nyannde 18 suliyee fii foolotiro dimmo ngon.
Ngoomu halfinaangu yuɓɓingol woote ngun leydi Gine, fennyinii limoore wooteeji waɗunooɗi ɗin nyannde 27 Swen 2010.
fow hino toraa wallindirgol feere e fiira, junngo e koyngal e hunnduko fii yo nyannde 18 07 2010 wonu uddital malal fii no Gine yahra yeeso..
en ka welo welo bimbi 18 07 2010
Yo wuuru UFDG
Yo Wuuru Sellu Dalen
Yo Wuuru Gine