|
 Kɗl: Wuuri Jallo, Antwerpne, Beljik.
C. "Y-Chromosome Variation Among Sudanese: Restricted Gene Flow, Concordance With Language, Geography, and History" by Hisham Y. Hassan, et al. Oo tasakuyee ɗoo hino tefi worɓe 445 ɓe jeydaa, jeyaaɓe e leƴƴi Sudan 15. Fulɓe 26 hino tawnaa e tasakuyee on. Fulɓe ɓen ɗoo hino wondi e mahoodi ndonngu maandinngu haploguruppuuji ɗiɗi. Iwdi wootiri ndin ko R-M173, kadi heewugol mayri (53.8% e ɓee Fulɓe) hino holli nde wonata ɓee neeɓaali ko ari Afrik, tawti/maaɗum hino holli leñol, ngol tawal maa ɗemngal mum salii ngol ukkondira e leƴƴi heddiiɗi. Kadi, heewugol haploguruppu E-V22 on, (haploguruppu anndiraaɗo nano-fuɗnaange Afirik), hino holli ka hawtondiral waɗi hakkunde leƴƴi maaɗum finaa-tawaaji ɗiɗi nder fuɗnaange Afrik maaɗum reedu Afirik.
Sifa oo seedee yi’aama kadi e heewugol maande ndonngu inniraande “T allel” maandinde suusugol ɓanndu ndun kosam ɗuuɗɗam, nde Fulɓe tun anndiraa. Ko haawnii non, ko nde tawnoo Fulfulde hino limtee e nder suudu ɗemɗe Nijeer-Konngo, ɓurɗe jaaloraade hiirnaange Afirik e ka leƴƴi Bantu’en, tawa non koromosom-y maɓɓe seeditaaki ko heewi iwdi hiirnaange Afirik. Ko tasakuyeeji ɗin yaltini e kene kon hino haawnii kadi sabu hino ɓuri tamƴineede ka egga-hoɗaaɓe aynooɓe ɓura leƴƴi jooɗiiɗi ɗin waawude saakitaade e jillondirde ƴiiƴam. Fensito haploguruppuuji tokoosi M78 yi’aaɗi Suudaan ɗii (E-V12 e E-V22) hollii wonde ko egguɓe nano Afrik ardi e majji Suudaan sabu jeereɗinal Sahara on gila duuɓi 6000 e 8000. Hino gasa ka mbayliigu weeyaango eggini pine/leƴƴi Newolitik faade nano hedde Maayo Hakkundeewo (Mediteranee) e ñaamo hedde Sahel e Lowol (waadiwol, aynde) Niil. Tefoore ndee ko yi’i e Fulɓe Suudaan 26 ko nii senndori: R-M173 (yimɓe 14), => 54% E3b1-M78 (yimɓe 9), => 35% E1-M33 (yimɓe 3), => 12% En fecciino hakkunde gollal ngal, hino heddii binndanɗe tati si fannu iwdi Fulɓe wano Farba Adn faamiri non timma. www.peeral.com |
