Adobe Flash Player not installed or older than 9.0.115!
Adobe Flash Player not installed or older than 9.0.115!
Eeraango!
Yiilirde Kawtal Janngooɓe Pulaar (fulfulde) e Leyɗe arab, ina salmina kala Pullo to woni e duunde baaba men Aadama he, haa teeŋti noon e ɓeen dariiɓe jamma e nyalawma ngam mawninde pinal men e saaktude ngal.
Ɓaawo ɗuum, no anndir-ɗon nii hannde ko yonta teknolooji e karallaagal kesal, ko yonta jaaynirɗe ceertuɗe rajooji, teleeji, internet. E ko wonaa ɗuum fof, hannde kala jiɗɗo pinal mum yiyee, anndee saakto ko yaawi rewata ko e ɗii ɗoo kaalaaɗi. Ko ɗum waɗi leƴƴi Afrik keewɗi gannɗuɗi ko njahata ina ngadondira e jaaynirɗe mawɗe adunayaŋkooje ina caakta pine mum’en. Ko way hono hawsa, sawaahili, soomali, e goɗɗe haa keewi ina njaaynee e rajooji mawɗi bayɗi hono: BBC, VOA, DOCCO, WOLE, e rajooji goɗɗi e nder aduna kaa fof.
Ngam anndude, min kimmugol ɗee jokkorɗe kumpite addani min ƴettude pellital winndude won e rajooji ngam hollitde ɗum en kimmogol ɗemngal pulaar-fulfulde, e keewgol haalooɓe maggal mbela maa ngal wattu yeewteede toon. E dow ɗuum meɗen eewnii kala tawtuɗo min e ngoo miijo, yo o winndu ɓataake faade rajooji garooji ɗooɗii:
BBC, VOA, DOCCO, WELE, Rajo Iraan, Turki, Misra, Libi, Sa’uudiyya, e kala leydi njiɗndi naatde Afrik to baŋŋe pinal, walla faggudu fof ko way hono: Siin, Riis, Israa’iila. Taa en yejjitu noon ka leyɗeele men too, ngam eɗon anndi pinal men holliraaka toon no haaniri non.
So en ɓuraani leƴƴi goɗɗi ɗii kam, en njaasaani ɗi e sikke am, ina waawi wonde juumre noon.
On jaaraama.
Yiilirde kawtal Jaŋngooɓe pulaar (fulfulde) e leyɗe arab Nyiiɓirde keer/Egypt
ndawko foti so en mbaawi mawninde pine men e nder leszeele arap ko huunde fonnde sabu pene men kersi naaki hollirde ender winndere he yoo geno won ballo
