Kɗl : Aamadu Hasan Boli, Misra.

Mi fuɗɗirii innde Allah, juulde e kisal wonii dow nelaaɗo (saw).

Si a waɗii hoore maa ƴommbal,  mbabba ƴakkete

Enen ɓiɓɓe Afrik, ko enen ngaɗi ko’e men ƴommbal, ngam alaa ko duunde Afrik jogaaki kono en ngollataa.

Duunde Afrik na ɓuri duuɗe aduna fuu mbeeyu lobbungu  e leydi lobbiri njaɓoori nooneeji ko aawetee fuu, toɓeteendi,  kayri tan si ndi aawaama  haa moƴƴi ndi  heƴan (yonan) feccere yimɓe aduna,kono yimɓe Afrik weelo (rafo)  ɓuri tampinde nder aduna fuu, hitaande kala yimɓe na maaya rafo, na nyaama nyaamdu bonndu na tampira nii malla nii… nder Afrik, ko saabii  ɗum?

Aduna fuu ko Afrik ɓuri  hottollo (haabu) lobbuko,  kono ko woɓɓe naɓata haabu kon waɗoya ko  kaddule (comci) ɓornooɗe haa ɗe hiɗɗa ɓortooɗe adda Afrik sonnira (yeeeira) ɗe Afriknaaɓe ko tiiɗi ko… Fii honɗum ? 

Afrik hino hebbini  daabaaji na’i, e be’i, e baali, e geelooɗi, e kaŋŋe, e cardi, e jaamaa, e kafe, e kakawo, e petrol, e yuuraaniyom kono  kadi aduna fuu ko Afrik ɓuri talkaaɓe ɓuri waasuɓe… ko waɗi ? 

Aduna fuh Afrik ɓuri majjuɓe  ngam 80% nder Afriknaaɓe yi’ataa binndi, waawataa janngude, anndaa hakke mum…  ko saabi?

Goonga gaɗɗo hoore mum  geene  nagge nyaman ɗum.  

Ɓe arii Afrik ɓe tawii en hiɗen poti, hiɗen weldi, ɓe waddondiri en,  ɓe bonni beldal men, ɓe addi nyawuuji bonɗi ɓe ngatti nder men, hiɓe ɗaɓɓa majjinde  ɗemɗe men e pine men…honno waɗeten ?

www.peeral.com