04/03/2010

Yimɓe ɗuuɗuɓe meeɗiino lamnditaade  yo jiidal men e Dr. Timmbo ngal Alhajji Jallo yuɓɓinnoo e 2008 saakite fahin e Peeral yimɓe jannga, teeŋtii non nde tawnoo Fulɓe Sarlon wonaa yimɓe anndaaɓe, hay hakkunde Fulɓe luttuɓe ɓen, alaa ko haali hakkunde leƴƴi goo. Jooni mo janngii ɗum ɗoo maa faamu heen seeɗa ko yowitii e Sarlon, e ko Hooreejo Lenyol Fulɓe daranii, haa yottoo non e wano Dr. Abdullaay Timbo, mo sukaaɓe fow faalanoo yo toɗɗe e ndee ɗoo darnde.

19/02/2010

Hanki konu Niijer follii laamu Persidan Mammadu Tannja. Ko nyalorma teɗɗan kabaaruuji sifiiɗi fii loowanɗe nanotooɗe iwrude e galle hooreejo leydi on fuɗɗii saakitaade. Wiʼaama ko koninkeeɓe sukaaɓe woni sabu oo kuudetaa e ndii leydi Niijer anndiraandi kuudetaaji heewɗi gila 1974, hitaande folleede persidan arano on ɓaawo jeytaare nden, ɗum ko Hamani Joori.

18/02/2010

Keenya (hanki) e alarba  mooɓre jaagorɓe (minista’en) Najeeriya hawrii dow yerɓuki (neldude) jaagorɓe njeegoo (6), ɓe yaha to laamateeri Sawdiya ngam ɓe ndaarana gite maɓɓe fiyakeeji njamu ardiiɗo lesdi on, Alhajji Umaru Yar’aduwa.

Jaagorɓe ɓen yerdi (haaldi fotti) yerɓuki jaagorɓe njeegoo wakkati jaagaro (ministaajo) haajuuji yaasi on, Chief Ojo Madueke nodditi mooɓgal jaagorɓe, ngam ɓe yaha ɓe heɓa ko laaɓi dow Alhajji Umaru Musa Yar’adua, ɓe annda no nyawu makko wa’i, to ngu waawataa mo hokkugol hakkee ardagol kuuɗe lesdi, fuu ɓe anndan to ɓe yi’oyii mo.

Wonaa arugol maggu juhini kono ngu didori non juhini. Guwerneman  Jean Marie Dore (IMD)  feenyii, yaltii e kene.

Hannde timmi lewru e pawdi gila JMD toɗɗaa mawɗo jaagorɓe leydi Gine. Kono hari ɗum fow o fennyinaali inɗe sentere jaagorɓe makko. Oo guwerneman tijjaa tijjitaa haa woɓɓe fuɗɗii dukude, ŋuna tuuma. Woo-woo sukki haa kanko tigi o yalti e Tele Gine hecci-hanki dartanagol (defender) guwerman mo o yaltinta on.

Ko ɓooyanoo habbeede kon yaltii, hannde dekeree waɗii, fennyinɗo ɗowayɓe daawal mbayliigu ngun Gine. Ko ɓe capanɗe-tato e nayo (34), sappo (10) e maɓɓe ko e laamu hinngu ngun tawaa, ko jeyaaɓe e CNDD.

13/02/2010

Jeneral Sekuba Konate laatinii sincude Ngoomu Ngenndiiwu Daawal, CNT (Committee National de la Transition), o toɗɗike Hajja Raabiyatu Sira Jallo wonugol hooreejo. Woni cukko makko ko Monseigneur Vincent Kulibali, kanyum e Elhaj Mamadou Sillah. Golle nguu ngoomu ko toppitagol kala ko fawtii e wooteeji saatiiɗi e nder leydi Gine.

Tawde leydi ndii alaa asamblee fewndo ɗoo, ko nguu ngoomu lomtintee golle asemblee on haa wooteeji yawta, laamu siwil joɗɗinee. Hajja Raabi ɓuri lollirde ko laamaade senndikaaɓe Gine e dumunnaaji ɓurɗi saɗtude, teeŋtii fewndo laamu Konte. Ko kanko wonnoo hoore murtaldu hitaande 2007, o dartii Lansana Konte haa Kuyaate toɗɗaa Hooreejo Jaagorɗe makko.

10/02/2010

Suudu diidaaɗi (National Assembly) lesdi Najeeriya hokki Dr. Goodluck Jonathan, ballo ardiiɗo leydi ndin, bawɗe ho´uki golle ardiiɗo lesdi.

Bawɗe ɗen hokkaama wakkati Suudu Diidaaɗi ndotti´en waɗi mooɓotiral ha galluure Abuja, keenya njamndi tati.

Suudu Diidaaɗi ndun wii doole ɗum hokka ballo ardiiɗo lesdi bawɗe dogginki laamu ngam kuuɗeeji ɗuuɗɗi ndarake diga Alhaji Umaru Yar’adua, ardiiɗo lesdi Nigeria, dilli nyawndoyago nyawu ɓuutuki ɓernde ha laamateeri Sawdiyya .

Nyannde 28 lewru silto 2009, hedde njamndi 14 ka sera estaadi Konakiri, laatinoke suddiiɓe (Neeniraaɓe, Jaajiraaɓe, Minnyiraaɓe e nayeeɓe) hino doga dogira wa geraaɓe e ɓaawo comci maa gaarawol. Hino ila e maɓɓe ƴiiƴam, kancudi (maniyyu) e loope.

Hiɓe nyaaƴora karahan. Keeci maɓɓe e koyɗe maɓɓe fow hino surta muuseendi. Hiɓe maaya nguleendi e ɗomka. Hiɓe doga e ɓaawo anndugol ko honɗum ɓe dogata sabu hiɓe tamƴinii kamɓe ko ɓe maayɓe. 

Ko ɓuri heewude e ɓen masinbinaaɓe; ko taakanɓe Dixin e Sig Madiina walli ɓe ɓe heɓi comci ko ɓe fawa e ɓalli maɓɓe ko ɓen looti ɓe, nyammini ɓe e ndeer balɗe haa ɓe heɓti hakkil.

Barack Obama innitii Gine ka tummbo  yeewtere makko State of the Union speech “yeewtere dawla pottal” ɗum ko yeewtere hitaandeyankoore nde waɗata ɗum laamɗo Amerik hitaande kala, o sifoo e mayre eɓɓooje makko e nder hitaande nden.

Ko e nder oo finaa-tawaa woowuɗo,  laamɗo Dawlaaji Dennduɗi maa US, Barack Obama waɗti alhaali Gine e nder yeewtere makko o wi’i: Gine wonii leydi ka ngeenaari e laamu bonngu wonti naamu e laawol laamiiɓe, ka ngeenaari haɗi suka on heɓude golle. ko oo fiyaake haɗi leydi ndin ɓamtal e yahral-yeeso, waɗi kadi ndi tawaa e leyɗe  ɓurɗe e waasuɗude fii kala kene mayri e nder mayri hino heewi tew jawle, keyeeji e oogirɗe.

22/01/2010

Hanki alkamisa lomto persidan Gine on, Jeneral Seekubaa Konaate sellinii toɗɗagol Jean Marie Dore ngol e jonnde mawɗo jaagorɓe halfinaaɗo ardagol daawal mbayliigu ngal lebbi 6 wano haaldiraa non e aadondiral Wagadugu ngal.

Jean Marie Dore ko gooto e mawɓe lunndaare nden. Himo jogii duuɓi 71, ko o hooreejo fedde politik wi’eteende UPG (Union pour le Progrès de la Guinée – Dental yahrugol yeeso wonande Gine). Jibinannde makko ko e perefektiir Yoomu e nder Gine Forestiyeer, lenyol makko ngol ko Mano, taweteengol kadi Liiberiya, jeydungol e Berseeɓe, lenyol Dadii Kamara, on mo aadondiral Wagadugu ngal fawi “fowtere” e mum e nden saare.