UFDG hollitii wondema, jooni hiɗen waawi hottaade no njaltuddiji woote ɗen laatorta, ɗee woote yuɓɓaaɗe nyannde 7, nduu lewru. Fedde UFDG nden wii, fiikala RPG no heɓude seeɗa e nder kominji goo e nder Konaakiri, ɓurdal ngal mawnataa hakkude RPG e UFDG e ɗin kominji ɗi RPG foolata e mum.

Ko ɓuri ɗum hittude non, ko saare Ratoma nden e nder Konaakiri, sabu hinde mari ko yahata 8% teddeendi woote ngenndiyankeeri, UFDG no felliti heɓugol ɗon ko yahata daaɗe 200,000 (ujunaaje teemeɗɗe ɗiɗi)..
Fewndo ɗoo, wootirɗe ɓurɗe ɗuuɗude ɗen gayniino limtugol mooɓindira njaltudiiji mum ɗin. Nder Ratoma, e nder wootirɗe 482 ɗen, ko 102 pet lutti ko limtaaka tawo.
Tawi non niɓɓii sanne haa wonii feccere jemma njamndi nokkuureyankeeri (local time), tawi gollooɓe ɓen ronkii kof, ɓe ɗaanaaki ko yahata njamɗe 48.

Njaltudiiji ca’e waaɗe wano Kakan, Labe, Serekore, Kindiya, Boke haa jooni hino sabbaa.
No woniri woo, e hoore ŋunu-ŋunuure nden fow, limgale anndaaɗe ɗen waawi fellintinde wondema kaɓɓondiral Alliance Cellou Dalein President ngal heɓay 55% e daaɗe limtaaɗe ɗen, fewndo ka annduɗaa Alfa Konde ko hakkunde daaɗe 44% e 45% heɓata.
Awa, ɓaditee sabu tama’u mawngu no woodi ɗoo.

Iwdi: lowre UFDG