Tippude e jaaynde banndiraare, www.kibarou.com, Muusaa Dadis Kamara hooreejo CNDD on, iwi Rabat (Marok) hannde nder awiyon, o yahrii Wagadugu, laamorde leydi Burkina Fasoo.

Fahin, tippude e ndee jaaynde, ko e ley haaldigal hooreeɓe Marok, Burkina e Faransi, Dadis duŋanaa yaltugol e nder labtaani ka o wonunoo gila 3 bowte (dujambar) yawtundu, nokku ka o addanoo nyawndeede gila Tumba Jakitee fellimo battane galdigal ko waɗi hakkunde maɓɓe nde ngoomu teefooɓe Dental Leyɗeele (nation unis) ari Gine tefugol humpitoo ko yowitii e warngo waɗanoongo ngon nyalnde 28 bowte ka estaade nodditiraaɗo nden maanditaare.

Haa ko ɓuri nii laaɓude heɓaade, jaaynde nden hollii wonde Dadis hino sabbaa  hannde jemma Wagadudu, hella njamndi 22:00, njamndi Burkina Faso.