10/02/2010

Suudu diidaaɗi (National Assembly) lesdi Najeeriya hokki Dr. Goodluck Jonathan, ballo ardiiɗo leydi ndin, bawɗe ho´uki golle ardiiɗo lesdi.

Bawɗe ɗen hokkaama wakkati Suudu Diidaaɗi ndotti´en waɗi mooɓotiral ha galluure Abuja, keenya njamndi tati.

Suudu Diidaaɗi ndun wii doole ɗum hokka ballo ardiiɗo lesdi bawɗe dogginki laamu ngam kuuɗeeji ɗuuɗɗi ndarake diga Alhaji Umaru Yar’adua, ardiiɗo lesdi Nigeria, dilli nyawndoyago nyawu ɓuutuki ɓernde ha laamateeri Sawdiyya .

Dilluki makko ha Sawdiyya waddii soynde nanotiral hakkunde siyaasaaɓe lesdi Najeeriya, woɓɓe e wi´a haani o winndana Suudu Diidaaɗi ndun ɓataakewol ɗoo o dillugo nyawndagol heɓa ballo makko huuwa gollal makko haa o warta, woɓɓe boo e wi´a haanaayi ɗum doola mo winnduki.

Jooni non Dr. Goodluck Jonathan waɗanii ummatoore lesdii Nigeria yeewtere o jaɓii.

Kɗl: Kasim  Bashir Umar, Abuja, Nigeria.

Konngol Peeral: Oo winnduɗo ndee winndannde dow ɗoo ko feddeejo men keso, ko o jannguɗo jaayndeyankaagal (journalism) to Jaaɓihaaɗtirde Maiduguri (University of Maiduguri), kanko woni nultondriteeɗo (correspondent) Konngol Najeeriya (Voice of Nigeria) to Abuja. Himo golla kadi to COMMUNICATION &PUBLIC AFFAIRS DEPT. NATIONAL PENSION COMMISSION,  174 Adetokunbo Ademola Crescent Wuse II  PMB 5170 Wuse ABUJA  09-4138736-40 EXT:1094.

En yettii mo masinta.

www.peeral.com