Adobe Flash Player not installed or older than 9.0.115!
Adobe Flash Player not installed or older than 9.0.115!
Adobe Flash Player not installed or older than 9.0.115!
Adobe Flash Player not installed or older than 9.0.115!
limoore fulbe
Written by saajo bah (nederland)
Sunday, 14 February 2010 20:25
ngal kawral ngal dr. abdu bah wadani en to senegaal ko hittungal teentii nde ngal jantii heen limoore fulbe, sabuna fulbe hay janngube heewbe ko majjudum e ngon don senngo, a yi'ay toowube e ganndal tawa ko be limata fulbe kon yahdaa e ganndal ngal be jogii ngal, kanbe hibe hoolii tun ko laamuuji limtata en, be fawoo e dum kanbe kadi be saakita penaale ben laambe e faandunndeeji mabbe.
ko buri hittude hannde, ko yo pullo kala salto haalugol demde janane ko wonaa fulfulde, si tawii himo anndi on neddo mo o haalata demngal mum ko dariido e yoolugol fulfulde: demde dan, fulbe hino foti dartinde haalude de e nder galleeji mum en haa e nder gure mum en: jolfeere, bambarankoore e hawsankoore, e faransinkoore, ko dee demde bonni fulfulde.
ko jooni mi woni faamude ko wadi holanndeebe jabataa haalude faransinkoore e almankoore, ko tawde si be haalii dee doo demde didi, demngal mabbe ngal wuurataa, ko dum wadi be fibindiri ngal e enngeleere nden, ko ngam ngal mawna, bibbe mabbe bden jannga demngal mabbe ngal e enngeleere ka lekkolji ngam be waawa jokkondirde e winndere nden, sabu enngeleere hannde wontii haala moni kala, kala to o waawi wonde e nder aduna on...
faransinkoore hittanaa afriknaabe, ko tawde tan be ndaarataa ka woddhi wadi si be jannga ngal, kono be anndataa dum haa nyannde be yalti afriki, tawa wonaa faransi be yahri, ko on tuma be anndata be jaariino e sokiindu.
saloden haalude demde yimbe saliibe haalude demngal men, si wonaa tawa feere woo alaa, si wonaa tuma tawi alaa no humtiraa haaju maa si wonaa haalaa ngal. kdum tan danndata demngal men ngal.
beyden don daraade lamndoo hakkeeji men e laamuuji din, ka teleeji, ka rajooji, ko enen renndi dhen mahiidhe (institutions), kala kowadhetee ton hiden fotdi e gebal men ngal, woni lenyol gootol jeyi leydi ndin, woni senegaal, gine, mali, sarlon haa ka jeyadhen heen fuu e dhen leydhe dhe mi jantaaki...
This is a comment on "Senegaal: Jiidal e Dr. Mammadu Njaay, to Dakaar"
