Wonaa arugol maggu juhini kono ngu didori non juhini. Guwerneman  Jean Marie Dore (IMD)  feenyii, yaltii e kene.

Hannde timmi lewru e pawdi gila JMD toɗɗaa mawɗo jaagorɓe leydi Gine. Kono hari ɗum fow o fennyinaali inɗe sentere jaagorɓe makko. Oo guwerneman tijjaa tijjitaa haa woɓɓe fuɗɗii dukude, ŋuna tuuma. Woo-woo sukki haa kanko tigi o yalti e Tele Gine hecci-hanki dartanagol (defender) guwerman mo o yaltinta on.

Ko ɓooyanoo habbeede kon yaltii, hannde dekeree waɗii, fennyinɗo ɗowayɓe daawal mbayliigu ngun Gine. Ko ɓe capanɗe-tato e nayo (34), sappo (10) e maɓɓe ko e laamu hinngu ngun tawaa, ko jeyaaɓe e CNDD.

Si en yurnitike inɗe suɓaaɗe ɗee, en lirnyitii, en taway wonde ko ɗuuɗi e jaagorɓe CNDD en hino heewi ton tef. Tawi kadi ko kanɓe jogii jaagarooje kelɗuɗe ɗen fow.

Mo tinii ɗum ɗoo lamndoto heen lamnde ɗuuɗɗe: ko haa honto JMD e doole ngenndiije  hattani memminagol e huuwugol ko ɓe faalaa? Ko e honɗum JMD tuugii haa ɗee terɗe CNDD kiɗɗe accaa e nder oo guwerneman makko?

Fii kala niɓe hino heewi e nder oo liste, kono arugol sinndikaaji hino weltoraa, ɓe sannaama, yo Alla waɗu ɓe tun yimiɓe jogitotooɓe bara yaajuɗo ka ɓe yiiloo tawa kadi hiɓe mari aalaaji e cuucal timmungal ko ɓe wallitora, hara ɓe wonaali udduɓe jolɗe jaagarooje tun; maa hebbinɓe kaydi tun.

Honku ka jokkere (link) ley ɗoo haa waawaa yiide doggol jaagorɓe ɗowgu JMD ngun:

http://www.guineenews.org/articles/?num=201021514217

Bumɗo ko heɗiiɗum!

Kɗl: Tijjaani Bari, Paris, Faransi.

www.peeral.com