Adobe Flash Player not installed or older than 9.0.115!
Adobe Flash Player not installed or older than 9.0.115!
Adobe Flash Player not installed or older than 9.0.115!
Adobe Flash Player not installed or older than 9.0.115!
Paabo-ɗee Fulɓe Gana law!!!
Goomu peeral.com saaktii e nder maayirɗe lewru korse yawtundu ndu, wonde; cukko hooreejo jaaɓi-haaɗtirde wiyeteende University of Development Study to leydi Gana mbiyeteeɗo David Miler wiyii yoo laamu Gana, faw e dow Fulɓe durooɓe (aynooɓe) eggiyaŋkooɓe ɓe sagalle keewɗo mbele maa njaltu leydi ndi, o wiy:
Sinno wonaano nih kuule C.E.D.A.O ina kaɗi egginde yimɓe to koɗno, walla haɗde ɗum e hoɗde to njiɗi, o wiyatno yoo laamu leydi ndii haɗ Fulɓe naatde Gana, kadi eggina naatuɓe Gana ɓee!!
E dow ɗum ɗo kawtal jaŋngooɓe pulaar (fulfulde) e leyɗe arab; ina eewnoo denndaangal pelle daraniiɗe ɓamtaare lenyol ngol e kisal maggol yoo ndokkondir juuɗe mbaɗa goomu jaŋnguɓe sariyaaji tawa ina mbaawa falanaade en ko way hono nih.
Ɓe mbinndana iniwersitee oo ɓe batta ɗum e laawol. So on njiyii hono ɗum ina huccinee e e Fulɓe ko anndeede, Fulɓe ngalaa dariiɗo tiiɗɗo yooltoowo foddeeji mum’en. Miɗa sikki noon wonaa waasde jaŋngude hannde gondu-ɗen, maa taw ko waasde ɓamdude peeje tan ngondu-ɗen.
Darnde T.P.I (Tabital Pulaaku International) ina foti laaɓtude e ko way hono nih, sabu ko kamɓe ɓuri waawde haaldude e laamuuji ɗii e pelle adunayaŋkooje dariiɗe ngam yootude hujjaaji lohɓe.
To sakket, mi wiya en tan nganndee so en ndaranaaki ko’e men hay gooto darantaako en. Kala nanndinɗo hoore mun e mbeewa boyeeji coŋnga ɗum.
