Adobe Flash Player not installed or older than 9.0.115!
Adobe Flash Player not installed or older than 9.0.115!
Adobe Flash Player not installed or older than 9.0.115!
Adobe Flash Player not installed or older than 9.0.115!
Kabaaru Amerik: Golloowo e EMT Jason Green fellaama
Friday, 06 August 2010 13:24
Kɗl: Jaalal Jallo, New York, Amerik.
Jason Green mo duuɓi 32, gollata ko e EMT New York, ɓeen ko faabotoobe yimɓe be cellaani, walla barmuɓe, ekn. nyannde 9 lewru deesaambur.
Ko kanko Jason Green, e gollidiiɗo makko ena wiyee Melissa Jackson, ɓe njahii yaroyde kafe e nokku biyeteedo Cafe au bon Pain; e nder ko ɓe njarata kafe, golloowo ɗo nokku kafe jaɓoowo ceede ɗee (cashier) ena wiyee Eutisha Rennix, ko debbo reedu.
Emo wondi e ƴeegol, ɗuum ko rafi kaɗoowo neɗɗo waawde foofde no haaniri nii yimɓe wonnoobe ɗoon ɓee ndaardi Jason e sehil makko yo ɓe paabo suka debbo oo sabu ko ɗuum woni golle maɓɓe. Ɓe calii ɓe ummii ɓe njahi, ɓe mbii yo ɓeen noddu 911, ɗuum ko niimoro poliis. Suka debbo oo nde yottoyii to lopitaal o maayi.
Innde Jason e Melissa haalaa e rajooji e teleeji fof sabu ko ɓe callii faabaade oo ɗoo suka debbo haa o maayii. Nokku ɗo ɓe ngollata too yowiino golle maɓɓe toon. Nyalnde altineere 19 suliyee, kanko Jason e sehil makko goɗɗo ɓe njahi to wiyetee Greenhouse 150 Varick. Ɓeen callii ɓe naata toon, ko New York Post haali.
Ɓaawo ɗuum seeɗa ɓe njahi laawol ena wiyee Vandam and Hudson Streets goɗɗo yalti e oto o yaltini fetel (pinka) o felli Jason Green, nde o yottoyii to lopitaal o maayi. Kabaaru oo ɗoo ƴettaa ko e Amny - ko journal jaltoowal subaka fof New York.
