Kɗl: Wuuri Jallo, Antwerpen, Beljik. 

Si arii ko yowitii e tele, ko dente nay (4) woodi: ndaarooɓe (yeebooɓe) tele, joom jeeyngal (piblisitee), joom program, e jeyɗo tele.
Ko no ɓee nayo jokkondiri non woni ko faametee si anndee ko waɗee.
Tele kadi hino mari waktuuji no program hollirtee nder ñallal. Kala waktu ko yeeyeteeɗo fii yo jeyɗo tele on heɓtu jawdi makko ndin, o heɓa tono.

Kɗl: Wuuri Jallo, Antwerpen, Beljik.

Hiɗen anndi ko woowi feƴƴude kala nde Fulɓe sappo renndi e mbatu: wano calminaali ‘mo kala innde mum e yettoode mum’, wano hollitaare yi'eteende kala ka Fulɓe fotti, e wano tiiɗude salanaade ɗemɗe goo ɗe wonaa Fulfulde, hay si tawii heewuɓe ɗigginaa ɗemngal ngal e caltuɗe maggal.

Hara mbatu meeɗii laataade ngu fuɗɗoraali konngol hooreejo malla koolaaɗo kuuɓal? Ɗum waɗaali e nguu ɗoo mbatu kadi. Bappa Tijjaani udditi mbatu nguu, o yetti yetteteeɓe, o raɓɓiɗini haaju ngu mbatu nodditiranaa ngun, o holliti hoɓɓe ɓe tawaaka e Tabital Pulaaku Orop ɓen. Hoɓɓe ɓee ko Cerno Baasammba Jallo mo Gine, Cerno Siree Soh mo Gabon, Sonna Diye Fall mo Senegaal, Md Usumaanu Sheehu mo Najeriya, e Wuuri Jallo wonɗo Belgik.

Kɗl: Wuuri Jallo, Antwerpen, Beljik.

Ko honɗum e njulaaku suɓiɗaa? A udditay bitiki kaa ko banki udditataa?

Ko honɗum yeeyetee e bitiki? Ko marsanndiisi yeru sigareeti, bireedi, ɓiraaɗam, caabune, defte, sokeeti, ekn. Aan joom bitiki ko a soodoowo maakiti e juuɗe woɓɓe yeeyitaa ɗum kiliyanɓe maa ngam heɓaa tono. Kono non, bitikiiji mawɗi ɗin wano supermarseeji haanaa yoɓande maakiti si naɓa ɗi yeeyita; jeyɓe maakiti addanay ɓe marsanndiisi ɓe heɓtoya kaalis e saa’i goo.

Kɗl: Wuuri Jallo, Antwerpen, Beljik.

Nder luumo stokku (stock market), ko jeyugol gollirɗe (companies) yeeyetee, wonaa ko gollirɗe jeyi kon yeeyetee; gollirɗe ko moƴƴinayɗum piiji e sarwisiiji (products and services), wonaa moƴƴinayɗum stokkuuji. Nder luumo Fulfulde, ko ganndal Fulfulde yeeyetee; Fulɓe ko winndooɓe konnguɗi e dokimanji.

Nder luumo stokku a sooday ndagaaje (shares) fodde ɗe faalaɗaa, yeeyitaa nde faalaɗaa tawa hino wondi e ‘tono’ malla ‘hayrere’. Nder luumo Fulfulde a sooday konnguɗi Fulɓe, yeeyitaa ɗi e kala saa’i tawa ko ‘tono’ tun heɓataa, ‘hayrere’ alaa.

En yi’ii no kaalis newniri yo neɗɗo soodu kala ko yeeyetee hara wonaa kanko moƴƴini. Fawaaki hay gooto moƴƴinde danki mum, rema maaro mum, awa liɗɗi mum, janngina ɓiɓɓe mum, sabu kaalis addii newaare e senndugol golle.

Kɗl : Wuuri Jallo, Antwerpen, Beljik.

Wa’ii wa si mi nanii Cerno Sammba Mommbeya hino lamndoo yo en ƴawu e tulde ganndum faggudu no ƴeewiren niɓe majjere men e ko yowitii e faggudu.

Yimɓe heewuɓe hino humpitii ko woni luumo, woɓɓe hino wi’a ɗum ko ka yimɓe fottata sooda yeeya piiji seertuɗi. Noone luumo ɓurngo jaasude ko ka yimɓe jaaɓondirta piiji, jaaɓondira gerto e kappe, e piide misal.

Kono ngal jaaɓondiral newaaki e kala baŋŋe, ko ɗum waɗi haa kaalis addaa yo fottin fotina jaaɓondiral. Ko nii woniri haa soodooɓe maakitiiji (goods) waɗti yeeyud kaalis, yeeyooɓe maakitiiji kadi waɗti soodude kaalis.