Keer : Dr. Waa’il heɓii Doktoraa mum e Fulfulde eɓɓindiraande…

Ko Hesɗi/Latest News

Ƴeewtirde/Archive

Adobe Flash Player not installed or older than 9.0.115!

Adobe Flash Player not installed or older than 9.0.115!

Keer : Dr. Waa’il heɓii Doktoraa mum e Fulfulde eɓɓindiraande…

Thursday, 15 December 2011 16:13

Banndiraaɓe tedduɓe yillotooɓe peeral.com, min ngartii addande on kabaruuji immorɗi Ejipte, hannde ko fii ko hesɗi e jannde fulfulde. Ñande 07/12/2011 ɓeydaare Fulfulde waɗii e leydi Ejipte, ɗuum woni heɓeede doktoraa (doctorat) e coñce (wallifaagu), ko wiɗto e tiitoonde « Taali Sukaaɓe nder coñce Suwahili e Fulfulde » wiɗto ngo ko eɓɓindiraango hakkunde Suwahilinkoore e Fulfulde, heɓi ngoo tolno doktora ko bi’eteeɗo : Waa’il Nabiil, to duɗal ɗemɗe e eggo-hakkunde ɗemɗe, jaaɓi-haaɗtirde Al-Ajhar.

Dr. Waa’il waɗiino majister (master) e wiɗto makko, tiitoonde mum wonnoo ko « tinndinooje (wasiyeeji) jimi nder coñce Suwahilinkoore e Fulfulde » eɓɓindiraango kadi hakkunde Suwahilinkoore e fulfulde. Majister oo ko e Jimi (gimi) Doktora o ko e Taali, kanko o heerorii ko Coñce (littérature). Yimɓe limiiɓe ngariino tawtoreede, ɗum wonnoo ko subaka law seeɗa e ñalaande janngeteende, ɗuum waɗi tawtoranooɓe keewaano sanne, kono welo-welo waɗiino. Dr. Waa’il yahiino leydi Tanjaaniya ngam jokkoyde wiɗto ngoo nder yimɓe Suwahili, o wonii toon dumunna, o waawaano yahde e leyɗe to fulɓe ngoni, o waɗi senngo fulfulde ngoo ko e deftere taali (jeeti) inniraande « Taali Fulɓe » winndi nde ko mawɗo men: Buuba Haamiidu jiyaaɗo leydi Kameruun, nde o woni leydi Ejipte.

Ko ngol woni laawol ngadiingol goɗɗo na waɗa majister maa doktora e coñce Fulfulde, e leydi Ejipte, adinooɓe ɓee, wano Dr. Aadel Usmaan e Dr. Abdul Kaalik, mbaɗnoo wiɗtooji maɓɓe ko e celluka (grammaire), nde ɓe keblata doktoraa ɓe njahiino leydi Senegaal ngam wuurdude e Fulɓe toon, malla ngam waɗde ko wi’etee wiɗto nokkuureyankeewo (fieldwork). Nii woni nder leydi Ejipte yimɓe tato keɓii tolno doktoraa e fulfulde eɓɓindiraande e Suwahilinkoore, goɗɗo heɓii majister e fulfulde tan (nde eɓɓindiraaka) oon woni Hiba Kaliifa to Jaaɓi-haaɗtirde Keer, woɗɓe na e laawol.

Banndiraaɓe tedduɓe, ngannden alaa ko ronki wonde so hawrii e ñaawoore Geno tawa tiɗnaare e ballondiral na woodi. So tawii etaare na jokki maa wooda ko heɓaa hay si tawii na leela, fulɓe mbii : « tallotoongal mooƴataa » semmbe heewaani (ɗuuɗaani) kono so eɓɓaama fellitaama tawata ñaawaama.

Kɗl : Abdou BA, KeerE-mail : mburebah@yahoo.com e faadeyeeso@gmail.com www.peeral.com

www.peeral.com

Comments (4)

dr waa il weltanaama batte golle makko dhen

A jaaraama fota Dr. Waa'il. Peeral kadi jaaraama sabu ngal kumpital naatoowal e nowru neddo.

Banndiraawo Waa'il, a tiidniima no-feewi ngam ko mbaddaa koo heewbe mbaawaa dum wadde. Yoo Alla won Ballo. Fulbe fof tinii golle maa. Yoo Alla juutnu nguurndam maa ngam nguurndam ko nafoore.