Adobe Flash Player not installed or older than 9.0.115!
Adobe Flash Player not installed or older than 9.0.115!
Fulɓe e Majjere Tawaa-tawi
Monday, 30 January 2012 10:57
Banndiraaɓe tedduɓe, majjere ronaande he tawaa-tawi walla he fiɓnde diina, ɓuri saɗtude momtude he humambinnaagu, nde tawnoo eɗen ndoni tawaaɗe keewɗe he tawaa-tawi maamiraaɓe men, ɗe njahdaani he yonta ganndal, ko ɗuum waɗi, eɗen poti wiɗtude tawaaɗe men, ceɗen ɗe haa ɗe laaɓa, kala ko yahdaani he yonta ganndal njoñen ɗum.
Musiɓɓe tedduɓe, ina jeyaa he tawaangal men ngal yahdaani he yonta ganndal, kaddingol (sunningol) cukaloñ ndeyoñ, hannde annduɓe lekki (safaare) heeroriiɓe ndee toɓɓere, ina kaɗti ngal gollal, ngal yahdaani he cellal, ɓe mbii : ngal gollal ina usta tuuyo desal e yiɗde ngoraagu, ɓe mbii kadi so tawii omo jibina ewoode ndee ina heewi seekaade, ndeen gaañtannde ina muusi sanne.
Sakiraaɓe fooɗantooɓe potal, ina jeyaa he tawaaɗe potaaɗe haɗiteede resneede (ɓaŋeede) sukaaɓe rewɓe, ɓe terɗe mum timmaani, ngam ɗuum ina adda heddaare he ɓesngu e ñabbuuji bonɗi jokkooji ngel he caɗeele nguurndam, kadi en potaani ngal waɗirde he innde diina Lislaam, ngam neesu tago yimɓe ina seerti, kadi enen poti salaade dewgal waawnere leeɓtoowal (lettoowal) ngal alaa tuuyo welemma dewgal, alaa ko haali gilli maral.
Banndiraaɓe ngaree calo-ɗen daarti (fillayeeji) majjuɓe, koomtirteeɗi yimɓe men pawiiɗi he merere, nde yi’etaake memetaake, aaɓneteende he alluuje daari ɗe ngoodaani, tuugniiɗi he weeyo majjere, walla askitinde ñabbuuji bonɗi he baɗe tagaaɗo walla hiitoraade jootaaɓe he tampere basal e wiide ɓe ko sukuñaaɓe (bu’aaɓe, ñanneeɓe) walla ɓe ñabbuuji bonɗi njokki he ronkere, kadi eɗen poti salaade ñaamirde olowere (warñeende, lakkere) woɓɓe, he wiide aɗa anndi cuuɗiindi baɗe Geno.
Sagataaɓe leñol, ina jeyaa he tawaaɗe bonɗe ɗe ndon-ɗen tanoondiral hakkunde kinɗe golle, ngal tawaangal ina fotaa woppeede, ngam ngal tanoondiral alaa ko addata, so wonaa ceeral hakkunde ɓiɓɓe leñol, hannde en ngarii he yonta ka ngootaagu leñol fawii he ɗemngal, wonaa he kinɗe gollal, alaa ko haali ceerndiren ko’e men jinngangol hoɗannde walla yettoode walla mbaadi.
Koninkooɓe leñol, yoo Geno jaalnu paamondiral e kawral hakkunde ɓiɓɓe leñol men, O soora he maɓɓe kiram leñol e ngenndiyankaagu.
Bandirabe teddube on jaaraama sanne Tawwa-tawi ko buri duudude hen ko cadeele e baasal sabu enen
ñabeeli dii fuw ko wi'etee ko jinna walla ñanne walla ko wa'i wano non alaa ko tasketee yeewee haa laaba ma mi winndu fee ñawu luggungu en anndaa fee muudun e Africanaabe.
ñabeeli dii fuw ko wi'etee ko jinna walla ñanne walla ko wa'i wano non alaa ko tasketee yeewee haa laaba ma mi winndu fee ñawu luggungu en anndaa fee muudun e Africanaabe.