peeral.com

Ko mi jeyaaɗo e geyngol Fulɓe Nano Amerika addanooɓe ɗoo jamaanu maccungaagu...Wonaa menen tan Porto (Tubaako) addorno, na’i amen accaaka.

Janngu dortal (Read more)...

Balwaltirɗe  cooynaama (haynaama) ko ɓooyi ina lelii (waalii) e kaaƴe walla e tule ceene tagofeere Mars.

Janngu dortal (Read more)...

Miɗo anndina on dental Enɗam Fulaaɓe fooynii (jalbii) he tunndu Tammbaa-kunndaa, ngal ko dental ɓamtaare leñol.

Janngu dortal (Read more)...

Nayewu ko hortagol (ronkitugol), maa ustagol baawal terɗe ɓanndum. Kala jibinaaɗo du'antee ko yo wuur juuta duuɓi haa naywa.

Janngu dortal (Read more)...

Lebbi 18 ko baagal Kuriyoositi jippii e dow tagofeere mars, ngal dogii e dow mayre fotde kiloometruuji 4.89 ...

Janngu dortal (Read more)...

Yimɓe men ɓe Satntar Afriki tampinaama haa yawtii keerol: waraaɓe, jukkinaaɓe, jiwɓe e rewɓe doolaaɓe limotaako…

Janngu dortal (Read more)...

Print
Golle Madina CreationNde Peeral Media yiidi e makko to koolol Fulɓe nayaɓol ko ɗum ɗoo o jaabii ko yowitii e golle makko: "Golle am ko ñootugol, ko mi stylist(e), ko mi neɗɗo addoowo modelaaji kesi ɗi yimɓe meeɗaa anndunde e yiide. Madina Creation, gollirde am nden fuɗɗii golle gila duuɓi nayi, miɗo jogii gollirɗe ɗiɗi to Bamako, miɗo gollina yimɓe noogayo (20). Yimɓe soodanooɓe kam ɓen wonaa nder Mali tan woni, hiɓe yahi haa Ciina, Europe e Amerik. E nder Mali yimɓe Tabital Pulaaku ɓen no anndi kam, hiɓe walli kam sanne, ko soklaa fuu ko hedde am aretee to banngal ñootugol, parugol (fawnugol) nokkuuje to mooɓetee, fawnugol otooji e ko anndi e mum. Mi ɗo yetta Alla yetta Pulaaku.

 "Nooneeji ñootol ngol mi waɗataa: miɗo gollira waksi, basan, kadle haaɓe, huunde fuu ko tawaa ko Afrikyankeejum, haa (w)ari e jawe (mulle), e ñaaƴe muuɗum, no hoore fawnirtee (parirtee), no suudu fawnirtee, no otooje jommbere fawnirtee, no amirde e nokkuuje goɗɗee fawnirtee, ɗum fuu ko golle am. Miɗen moƴƴina dolokkaaji (wutteeji), tuubeeli, kufunaai, sasaaji (saakuuji), e geɗe ɗuuɗuɗe goɗɗe, hono yiiru-ɗaa nii e nder ɗee balɗe. On yii yiññaare (deefile) nde waɗu-mi ndee e ngol koolol, ko ɗin comci e nooneeji mum mi gollata.

"Ko yowitii e sabaabu arude am to Beljik, ko Tabital Pulaaku Beljik (TPB) waddi kam Europe iwde haa Mali, ko yiɗde am pulaaku, e pulaaku yiɗde kam min waddi kam ɗoo.

"Miɗo yiɗi hollude yimɓe fuu Pulaagu no jogii ñootol mum, no jogii pawne mum (parorɗe), a yii e ngol koolol ko geɗe Pulaagu tan huutor-mi (kuutor-mi) e fawnude nokkuure nden, gila e juma haa e alat, yimɓe fuu no weltii (mbeltii) heen, no wa’i hono ko e buguuji meeɗen won-ɗen (ngon-ɗen), si en ɓornike comci meeɗen, en huutorii pawne meeɗen, ɗum weltinan ɓerɗe meeɗen. Tiiɗno-ɗen e ɓaŋatude ɓornateeri men, ñootol men, e kala geɗe ɗe finu-ɗen taw-ɗen.”

Nde Peeral Media lamndii Sonna Aysatu nelal makko faade e Fulɓe ko ɗum ɗoo o jaabii:

"Nelal am faade e Fulɓe ko jogii-mi, ɓinngel aadama to wonu-ɗaa fuu wota yejjitu hoore maa, yo gooto kala naatu e Tabital Pulaaku, hannde TPB no waɗa koolol mum nayaɓol, ko tawde ɓe anndii ko’e maɓɓe, ɓe yejjitaani to ɓe iwi. Hiɓe anndi ko’e maɓɓe, kadi ngal anndal ɓeydike sanne sanne hakkunde Fulɓe iwruɓe e leyɗe seertuɗe. Miɗo toroo Alla yo O wallu on haa ndee ɗoo fedde ɓeydoo heɓude semmbe waawon hollude adunaaru ndun pine meeɗen e ɗii lebbi e duuɓi arooji.

"A yii no ɗum lobbiri (labiraa), yimɓe arii iwrude leyɗe Amerik, Afrik, Aasiya, yimɓe arii haa heewii sanne sanne, yimɓe fuu weltike. Ɗum ɗoo no holli ɓe yejjitaani ko’e maɓɓe, ko ɓe Fulɓe yiɗuɓe pulaagu.Golle Madina Creation

"Nelal am e Fulɓe ko wiide si a arii e Europe maa a yahii e Leydi wonndi tiiɗno-ɗaa wota yejjitu Fulfulde, wota yejjitu pulaagu, daro-ɗaa ɓiɓɓe maa jannga ɗemngal maa, ɓe waawa haalude e winndude ngal. Hiɗen anndi si Fulfulde haaɗi e men enen tan, ɗemngal ngal majjan, si ɗemngal ngal majjii enen duu (kadi) en majjii. Hiɗa anndi si Fulfulde haaɗuno e mawɓe men tan, enen sukaaɓe hannde en waawataano haalude nde, tawanno nde majjii. So ɗemngal ngal majjii Pulaaku kadi majjan, non Fulɓe kadi majjirta.

"Onon to Peeral Media, meɗen weltanii on sanne e darnde nde darani-ɗon Fulfulde, gila jannginde nde haa e winndude nde, sabu si yimɓe ɓen janngii ɓe faaman, ɓe anndan no ɓe waɗata e nguurndam maɓɓe. Si a janngii a faaman, si a janngii a anndan. Fulɓe fuu no weltanii on e golle mon ɗen. Janngude e ɗemngal mum tiiɗaa, miɗo ñaagoo yo Fulɓe fuu janngu Fulfulde wota nde majju."

Nde Peeral Media lamndii mo konngol timminirgol, ndah ko o jaabii :

"Miɗo weltii sanne, miɗo yiɗi pulaaku, pulaaku no yiɗi kam, wota yejjiten yiɗɓe pulaaku ɓen, miɗo torii yo Fulɓe wall’am yalla golle am no yahra yeeso, kala daraniiɗo pulaaku no haani walleede e golle mum. Kala ɓornateeri Fulɓe miɗo waawi waɗude ɗum, kala feddeeji men e kawte men e yimɓe men jogiiɓe e am haaju, yo ɓe tiiɗno ɓe jokkondira e am, sabu golle am ɗen ko wallitooje pulaaku; waawɗo fuu yo nodda’am hokka kam miijo mum, maa wallira kam geɗe goɗɗe haa golle am ɗen ɓeydoo mawnude.Mi yettii Tabital Pulaaku Beljik, teeŋtii aan Saajo Bah e Ibrahima Timbo sabu darnde mon e pulaaku no mawni, mi yii ɗum gila ñannde mi ari haa hannde on fooftaaki, ɗum non yo Alla wallu on.” 

Ayasatu Sidibe no waawi jokkondireede to:

Madina Creation

Magnambougou Rue 442 Porte 141 Bamako, Mali

Email : This email address is being protected from spambots. You need JavaScript enabled to view it.

Cinndel: +223 76 38 64 85

www.peeral.com

We have 12 guests and no members online

Banndiraaɓe, ɓaawo men addande on callalal binndanɗe Cerno Tafsiir Jallo (1 haa 3) fii taariika Fulɓe... hannde fuɗɗitoren winndannde 4.

Janngu dortal (Read more)

Suudaan ko leydi ɗuuɗundi leƴƴi e perndamji (pine), ɗum addi ndi wonude ɗuuɗundi ɗemɗe e ndonuuji.

Janngu dortal (Read more)...

Moodi Majjam, ko sagata (derkeejo) yimoowo e ɗemɗe ɗuuɗuɗe tawtude Fulfulde, ɗemngal makko neeniwal.

Janngu dortal (Read more)...