22/02/2010

Mi anndina on Rajo CMC Koungheul 92.1 FM woni ko he Kungel, diiwaan Kafrin, ndenndaandi (république) Senegaal.

Min njogii ko jamɗe (waktuuji) 5 ndeer nyalaande: Gila 12:00h-14:00 nyalawma. Gila 20:00h-23:00h kikiiɗe. Miɗen njogii heen jeewte, wano Joorngo-miijooji, ndee yeewtere waɗetee ko nyande mawbaare (Talaata) e njamndi 20:00h-21:00h kikiiɗe.

Huda Rasuulullaahi, ko yeewtere diine nyande mawnde (aljumaa) e njamndi 22:00h-23:00h. Disdiiskiiji suɓo belanɗo ma ndokkaa mo njiɗan-ɗaa, nde waɗetee ko nyande hoore-biir (asewe) e njamndi 13:00h-13:30h.

Ɗee jeewte fof ko Faadel BAH woni e yawtinde ɗe. Na woodi kadi jeewte goɗɗe. Faandaare yeewtere Joorngo Miijooji ko laynude (saaktude) pinal e ƴellitde (ɓamtude) faggudu, e needi ekn..

Woni sabaabu innireede yeewtere nden "Joorngo-miijooji" ko yo ɗum won huunde renndaande, tawa wonaa geɗal gooto tan, fof en na mbaawi joorde heen miijooji maɓɓe, kadi ɓe mbaawa yiitude heen ko'e maɓɓe. Kono renndo ngon yiɗi ko waylude innde "Joorngo-miijooji" ɗuum waɗi aan musidɗo tedduɗo, min njiɗi miijo maa, hol innde ndokkataa yeewtere nde tawa ende yahda e faandaare mum.

Miɗo nyaaganoo kala bannda am guurɗo he ndee wolde ɓamtaare lenyol, baaɗo no maa, kaɓotooɗo humambinnaagal, saasi (nyiiɓi) e katantaagal (baawal - ɗiggingol), o woni golliroowo pinal, te o wuuri ko e ngenndiyankaagal, yo o ɓooy wuurde moƴƴam haa poolgu heɓoo, aamiin.

Kɗl: Muhammadu Faadil Bah, Kungel, Senegaal.

ba.fadel_pire@yahoo.fr
mouhamadoufadel@gmail.com  
mpir_sunna@hotmail.fr
skype:  ba.fadel

00221774114698

www.peeral.com