Profeseer David Miller, cukko Hooreejo Jaabi Haɗtirde Jannde Ɓamtaare to Gana  (University for Development Studies) lamndike laamu yo ittin Fulɓe ngaynaaka nder leydi Gana 'tax'.

O haalani jaaynde ka Batu Jeereɗinal Ngenndi: wondema laamu Najeriya, Burkina e Mali hino ittinde ngaynaako nder leydi mum, sabu ɗum Fulɓe ardii e na'i mun Gana; so ɓe ittinaama ko tiiɗi ɓe yaltay malla ɓa usta naatde leydi ndii.

O lamndii yo depitee ɓe huutor ngoo ittino (tax) ɓe heɓa jawdi. O wi'i ko sariya ECOWAS (CEDEAO) tan haɗi leydi ndii raɗaade Fulɓe ngaynaakooɓe, sabu ɗum ko sariya leydi wano ittinoowo ko tiiɗi tan newnata yaltinde ɓee Fulɓe.

Ganndo oo wi'i: Faabaade taariindi ndii, haɗa jeereɗinal, hino ɓuri feewde so laamiiɓe diiwe e renndo hokkaama bawgal no ɓe jokkira noone nguuree seertuɗo he ko ɓe anndi koo. Ko laamiiɓe diiwaanji e diiwe woni jeyɓe halfinaaɓe leydi ndii, so ɓe renndii e yimɓe heɗeteeɓe he renndo ngo ɓe waaway haɓude ko ɓe añi koo.

Holko Fulɓe jaabotoo? Alaa ko pullo waawi? So tawii hooreeɓe Fulɓe hannde ko janannɓe woni ko okkata ɗum nguuree, waawaali fawtaade hoore mum, ɓee hooreeɓe haray hino weltii so ɓe nanii pullo wakkiliiɗo wonanɗo hoore mum no tammpinee. Hara ko yo Pullo accitu nagge mum o yara kosam Holandeeɓe, o ƴacca teewu Belgiknaaɓe, sabu ko ɗum woni pinal e ɓamtaare.