|
Pellet hino famɗi ñila hannde mo nanaali fii Tabital Pulaaku Winndere/International, si tawii ko o hittinɗo fii Fulfulde, Pulaaku walla Afrikyankaagal. Tabital Pulaaku ko kawtital ngal terɗeyaagal mum saakitii e winndere ndee fuu; gila Afrika, Orop, Aasi, Amerik haa e Ostraali. Tabital Pulaaku Beljik non ko catal gootal e cate Tabital Pulaaku Orop, ngal ñiiɓirde mum woni too e leydi Faransi, Tabital Beljik Beljik siñcaama gila e hitaande 2005, gila nden non ko mawɗo men gooto profesoor tedduɗo, jannginaynooɗo ɗoo e Beljik, inneteeɗo Alhajji Alfaa Mammadu Jallo woni ko ardinoo catal ngal, e hoore nunɗal e gilli e kiram ɓamtugol leñol men.
O naadii heen doole makko e jawle makko ngam semmbinde golle ɗe Tabital Pulaaku fooɗantoo ɗee. Haa ñannde 20 lewru seɗto (april), o jippii o maaki jooni o ronkii, yo ƴeewe ardotooɗo keso ko ardanoo en kawtital ngal. Terɗe haaldii e hoore keewal, ɗe rokkii Timmbo ardungal ngal, gila ñannde 20-04-08. Ibraahiima Timmbo ko gooto e saɗuɓe yiigol hakkunde sagataaɓe e curbaaɓe Fulɓe, nde hiɗen yewta ko yowitii e daranagol Pulaaku e Fulfulde e Afrikyankaagal no ɓamtora no haaniri non. Ko o sagataa, tee kadi ko o cuuco yiɗɗo hirjingol jiñina sukaaɓe ɓen e toppitagol kala ko hino naɓira leñol men e duunde men Afrika yeeso. Ko kanko woni Halfinaaɗo Ɓamtaare Sukaaɓe to Tabital Pulaaku Winndere, ko kanko kadi wonnoo ngaadi wonnoondi ɓaawo eɓɓo tummbondiral winndere waɗnoongal e nder Brusel ngal rowani ñannde 07-07-07, tummbondiral ngal annduɗaa hari haa haande Fulɓe waɗaali wano mum e mawnugol, yaajugol e fotugol. Himo finani kala ko ɓamtata, hirjina sukaaɓe e daranagol Fulfulde, Pulaaku e Afrikyankaagal. Hannde sukaaɓe ɓen fuu no mari weltaare mawnde e ardungal makko ngal, katin ɗum ɗoo ko ko hollata en wondema Tabital Pulaaku wonaa mawɓe ɓen tan foti ardaade hen, ko kala waawɗo gasoowo naɓirgol leñol men ngol yeeso, ko ɗum waɗi mawɗo men laaminooɗo on kadi weltanaama sanne, ɗum lek o Alhajji Alfaa Mammadu Jallo. Catal Tabital Pulaaku Beljik no mari e terɗeyaagal mum leyɗe ɗuuɗɗe, wano Muritani, Gine, Sarlon, Kamerun, Burkina Faso, Niijeer, Senegaal, hth… Faandaare maggal ko ko faandaare Tabital Pulaaku Winndere, ko ngal kawtital Fulɓe e yiɗɓe Fulɓe fuu, ko aldaa e ittitere. Hingal daranii ɓamtugol Fulfulde, Pulaaku e Afrikyankaagal, fahin hingal daranii jam, nunɗal e kisal wonande kala neɗɗo, ko kawtital ngal wonaa laamuyankewal walla diinayankewal, kono ko ngal kawtital pinal, peerndam e renndoyankewal. Pulaagu.com yewtidii e Moodi Ibraahiima Timmbo, lamndike mo ko serti hakkunde ardungal makko e ardungal gasngal ngal, o wii wonde ardungal makko ngal no teŋtini wonde Tabital Pulaaku no mari gire ɗen fuu e nder terɗeyaagal mum, mawɓe e sukaaɓe, rewɓe e worɓe, ko ɗum waɗi catal Beljik ngal no yiɗi hollude wonde sukaaɓe ɓee kadi no fotdi e ardungal ngal e nder cate Tabital Pulaaku ɗee fuu, no ngal diidori non. O fodii gollidugol e kala cate Tabital Pulaaku ngam laatinde tummbondiral Brusel ɗiɗaɓal e nder lewru juko (august) ndee ɗoo hitaande, si Geno men salaaki. O fodii kadi daranagol janngingol Fulfulde e mbaadi yaajundi e nder duurtol ardungal makko ngal. Yimɓe ɓen no yaakitori mo masin, o fodii wondema o daasataa teddungal ngal, ngam mawɓe maaki : “teddungal daasetaake ronndete”. Yo Geno danndu en waañeede eda yaltoya sariire. Yaka seede maa yo mbarin! Awa jokku golle, ko Alla tun waawete yoɓugol. Kɗl: Saajo Bah. |
